Kupu Kē Atu:

ritua

Tohu:

÷

Takenga Mai:

He wāwāhi i tētahi mea ki ōna wāhanga ririki.

Whakamārama:

Ko te wehe tētahi o ngā paheko tau matua. Inā wehea tētahi huinga, he whakaatu i ngā rōpū iti o roto i taua huinga te mahi. Mēnā 12 ngā āporo, ā, ka wehea ki ngā tamariki tokowhā, e toru āporo te whiwhinga a ia tamaiti. He paheko kōaro te wehe o te whakarea.

Division is one of the number operations. Dividing a set of objects involves putting those objects into groups. If there are 12 apples to be divided among 4 children, each child gets three. Division is the inverse of multiplication.

Hononga ki te Marautanga:

Whenu: Tau, Taumata 2 →

Tauira Kōrero:

Wehea te tekau ki te rima, ka rua (10 ÷ 5 = 2).
E iwa, wehea ki te toru, ka toru (9 ÷ 3 = 3).
Ka taea te 18 te wehe pū ki te 3?
Wehea te 19 ki te 4, e hia te toenga?
He wehenga, he whakareatanga rānei tēnā rapanga?

Whānau Kupu:

hautau, otinga, paheko tau, tau e wehea ana, tau whakawehe, tauwehe, toenga, tohatoha, whakarea

Whakamārama Atu Anō:

Koinei ngā wāhanga o tētahi wehenga:

Kia pēnei te whakahua i te wehenga i runga nei:
'Wehea te tekau mā waru ki te ono, ka toru.'
'Tekau mā waru, wehea ki te ono, ka toru.'

Arā ētahi wehenga karekau he toenga. He wehenga māmā ēnei.
Hei tauira:
14 ÷ 7 = 2
35 ÷ 5 = 7
64 ÷ 8 = 8
60 ÷ 3 = 20

Arā ētahi anō wehenga he toenga te hua. Hei tauira, mēnā ka wehea ngā āporo 13 ki ngā tāngata tokoono, e 2 te whiwhinga a ia tangata, ā, kotahi te āporo ka toe mai.
Anei anō ētahi tauira:
17 ÷ 4 = 4 (toenga 1)
21 ÷ 6 = 3 (toenga 3)
38 ÷ 5 = 7 (toenga 3)

He maha ngā rautaki hei whakaoti rapanga wehe. Tirohia te wāhanga o tēnei pukapuka e kīia ana 'Rautaki Paheko', whārangi 415. Kei reira ngā whakamārama mō ngā momo rautaki.