Kupu kē atu:

tauputu

Takenga mai:

tau - number
tā - print
nui - many

Whakamārama:

Ko tētahi o ngā inenga tauanga mō tētahi huinga raraunga. Ko te tau e kitea nuitia ana i roto i tētahi huinga raraunga.

One of the statistical measures for a set of data. The number that appears most in a set of data.

Tauira kōrero:

Kimihia te tau tānui o ngā raraunga.
Ko te 6 te tau tānui nā te mea koirā te tau tino putuputu i roto i te huinga tau.
He aha te tikanga o te tau tānui?

Whakamārama atu anō:

Ko te 8 te tau tānui o tēnei huinga tau nā te mea koirā te tau he auau rawa te puta: {6, 8, 3, 11, 8, 7, 9, 6, 8}

E rua ngā tau tānui o tēnei huinga tau, ko te 4 me te 6: {3, 8, 6, 7, 4, 4, 3, 4, 6, 2, 6}

Arā ētahi pūāhua e tino whaitake ana te tau tānui. Hei tauira ake, koinei te rahi o ngā hū i hokona i tētahi toa i tētahi wiki: {3, 8, 8, 10, 5, 8, 10, 9, 9, 8, 6, 8, 9, 10, 8, 8, 9, 7, 11, 8, 9, 8, 8} Ko te 8 te hū e tino hokona ana (te tau tānui). Nō reira, e mōhio ana te kaiwhakahaere o te toa, me whakarite kia maha ngā 8, kaua e tino maha ngā 11 me ngā 5.