Takenga mai:

tau - number
rua - two

Whakamārama:

E taea ana tētahi taurua te whakawehe pū ki te 2, kāore he toenga. Ko te mati whakamutunga o tētahi taurua, ko te 2, te 4, te 6, te 8, te 0 rānei. He mutunga-kore te huinga taurua.

An even number is able to be divided exactly by 2 with no remainder. The last digit of an even number is always 2, 4, 6, 8, or 0. The set of even numbers is infinite.

Tauira kōrero:

Tuhia ngā taurua kei waenganui i te 20 me te 30.
Ina tāpirihia ētahi taurua e rua, he taurua, he taukehe rānei te otinga?
Whakaaturia mai ngā taurua katoa i te paparau. He aha te tauira e kitea mai ana?

Whakamārama atu anō:

Koia nei te huinga taurua tōrunga: {2, 4, 6, 8, 10, 12 ...}

He mutunga-kore ngā taurua tōrunga - haere tonu ake, haere tonu ake.

He mutunga-kore hoki ngā taurua tōraro: {... -10, -8, -6, -4, -2}

Ina tāpirihia ētahi taurua e rua, he taurua anō te otinga. Hei tauira:
4 + 6 = 10          22 + 386 = 408

Ina whakareatia ētahi taurua e rua, he taurua te otinga. Hei tauira:
4 x 6 = 24          8 x 2 = 16