Kupu kē atu:

kaute kōhitihiti

Takenga mai:

tatau - count
mawhiti - leap, skip

Whakamārama:

He pekepeke te āhua o tēnei momo tatau, kāore e tatauria ngā tau katoa, engari he ōrite te tawhiti o ia peke. Mēnā e rua te rahi o ia peke, ko te tatau mawhiti-rua tērā. Mēnā ko te rima te rahi o ia peke, ko te tatau mawhiti-rima. Koia nei tētahi hīkoi matua hei whakatutuki mā te ākonga i roto i tana ako i te mātauranga tau.

Counting is done in jumps - all numbers are not counted, but the distance of each jump is kept constant. Jumping two will result in skip counting in two's. Jumping five will be skip counting in fives. The ability to skip count is a key aspect of children's learning in number.

Tauira kōrero:

Kia mawhiti-rua te tatau.
He aha te māwhitiwhiti o te tatau a Hinewai?
Tatau mawhiti-rua whakamuri, mai i te 20 ki te 0.

Whakamārama atu anō:

Ka tino whakamahia te rārangi tau hei whakaatu i te tatau māwhitiwhiti. Ko te tatau mawhiti-4 tēnei:

He tauira ēnei o te tatau mawhiti-rua:
2, 4, 6, 8, 10, 12 ...
1, 3, 5, 7, 9, 11 ...

He tauira ēnei o te tatau mawhiti-rima:
5, 10, 15, 20, 25, 30, 25, 40 ...
2, 7, 12, 17, 22, 27, 32, 37 ...

He pai te whakamahi i te paparau hei tūhura i te tatau māwhitiwhiti, kia kitea ai ngā tauira. E whakaaturia ana te tatau mawhiti-toru i te paparau nei:

He ōrite te tatau mawhiti-toru ki te whakahua i nga taurea o te toru: 3, 6, 9, 12, 15 ...

Ina whakahuatia ngā taurea o te 4, ko te tatau mawhiti-whā tērā: 4, 8, 16, 20, 24, 28 ...

He kupu motuhake i roto i te reo Māori mō te tatau mawhiti-rua tekau. Arā, ko te hokotahi,te hokorua, te hokotoru ... (20, 40, 60 ...).

Ka kīia he tau ngahuru ngā tau o roto i te tatauranga mawhiti-10, arā: 10, 20, 30, 40 ...