Tohu:

+

Whakamārama:

Ko te honohono tau, te honohono huinga, te honohono rahinga rānei.

The joining of numbers, sets or amounts.

Tauira kōrero:

He tāpiritanga, he tangohanga rānei tēnei rapanga?
Tāpirihia te rua ki te whitu, ka iwa (7 + 2 = 9).
E whitu, tāpirihia te whā, ka tekau mā tahi (7 + 4 = 11).

Whakamārama atu anō:

E rua ngā huinga āporo e honoa ana i konei:

E taea ana te whakaatu tāpiritanga ki te rārangi tau. Hei tauira:

 

Ko ngā wāhanga o tētahi tāpiritanga:

Ko ngā tau punarua o tētahi tau, koia ētahi tau e rua, inā tāpirihia, ka rite ki taua tau.
Koinei ngā tau punarua o te 9: 9 + 0, 8 + 1, 7 + 2, 6 + 3, 5 + 4
Kāore he rerekē o te tau punarua 5 + 4 me te 4 + 5.

He maha ngā rautaki hei whakaoti tāpiritanga. Tirohia te wāhanga 'Rautaki Paheko' o tēnei pukapuka, whārangi 361. Kei reira ngā whakamārama mō ētahi.