Whakamārama:

He whakatakoto i tētahi huinga tau, huinga whakaahua, huinga āhua, huinga paheko rānei, kia whai tētahi huānga i tētahi, me te ū anō ki tētahi ture. Hei tauira: {1, 4, 7, 10 ...} Ko te ture: Tīmata i te kotahi, ka tāpiripiri ai i te toru.

A set of numbers, pictures, shapes or operations is shown in a systematic way where one element follows another in order, forming a pattern which follows a particular rule.

Tauira kōrero:

Raupapahia ngā hautau mai i te mea iti ki te mea nui.
Tuhia kia toru anō ngā tau ki tēnei raupapa.
Whakamāramahia mai te ture o te raupapa tau nei.

Whakamārama atu anō:

He tauira raupapa āhua tēnei:

He raupapa panoni tēnei. Ko te ture e mea ana 'kia 90^o te hurihanga whakatekaraka'.

He raupapa tau te tatau māwhitiwhiti: {3, 6, 9, 12, 15, 18 ...}

Anei anō tētahi raupapa tau: {1, 2, 4, 8, 16 ...}
E whai ture ana tēnei raupapa tau, arā, 'whakareatia te tau i mua ki te rua'. Inā whakaroatia tēnei raupapa tau, koinei ngā tau e whā e whai mai ana: {1, 2, 4, 8, 16, 32, 64, 128, 256 ...}

Mēnā e whai take ana te raupapa o te noho mai o ngā huānga o tētahi huinga, ka kīia he whiriwhiringa raupapa Hei tauira:
Mēnā e 3 ngā porotiti, ā, he rerekē ngā tae o ia porotiti, e 6 ngā whiriwhiringa raupapa mō te whakanoho i aua porotiti. Arā:

Mēnā he ōrite ngā tae o ngā porotiti, ā, kāore he take o te raupapa, ka kīia he whiriwhiringa raupapa kore. Arā, kotahi te whiriwhiringa raupapa kore o ēnei porotiti: