Kupu kē atu:

hononga

Takenga mai:

pā - connected with

Whakamārama:

Ko te hononga i waenga i ētahi taurangi e rua. Mā te kupu, mā te tūtohi, mā te whārite, mā te takirua raupapa, mā te kauwhata rānei e whakaatu te pānga i waenganui i ngā taurangi.

The connection or relationship between two sets of variables. A relation can be shown in words, in a table, with an equation, with a set of ordered pairs, or with a graph.

Tauira kōrero:

He aha te pānga o tēnā huinga tau ki tēnā?
Whakamāramahia mai te ia o te pānga i waenganui i te wā me te paemahana.
He aha te pānga o te utu tapeke ki te maha o ngā aihikirīmi e hokona ana?

Whakamārama atu anō:

He pānga māmā tēnei e whakaaturia ana ki te hoahoa pere:

Ko te 'haurua' te pānga e whakaaturia ana i konei. He pānga tahi tēnei. Arā, kōtahi anake te pānga o tētahi huānga ki tētahi:

He haurua te taurangi 'k' o te taurangi 'h': h = k

Ka kiīa tēnei he pānga whakarea nā te mea ka noho pūmau te tau whakarea i tētahi taurangi (2k) kia puta ai te taurangi tuarua (h). He rārangi torotika te kauwhata o tētahi pānga whakarea.

He orite te āhua o ēnei tapatoru e rua nei nā te mea he pānga whakarea kei waenganui i ngā tapa o tētahi tapatoru, me ngā tapa o tētahi: 3 = x 6, 4 = x 8, 5 = x 10

He pānga tāpiripiri kei waenganui i ngā taurangi e rua e whai ake nei nā te mea ka noho pūmau te tau tāpiri i tētahi taurangi kia puta ai te taurangi tuarua:

Ko te pakeke o Teone, e 5 te rahinga ake i te pakeke o Hone: h + 5 = t

Ko te pakeke o Hone, e 5 te itinga iho i te pakeke o Teone: t - 5 = h