Kupu kē atu:

kapo noa, tupurangi

Takenga mai:

matapōkere - blindly, at random, in the dark

Whakamārama:

Kāore e whai i tētahi ara, i tētahi tikanga , i tētahi ture rānei. Mēnā he matapōkere tētahi tīpako, he ōrite te tūponotanga o ia putanga. Hei tauira, ko te whakaputa i ngā tau waimarie o Lotto. He matapōkere nā te mea he ōrite te tūponotanga o ia tau (mai i te 1 ki te 40).

No following a pattern or rule. If a sample is random, the chance of each outcome is the same. For example, the selection of the lucky numbers for Lotto. This is random because there is an equal chance of each number (from 1 to 40).

Tauira kōrero:

He pāpono matapōkere te pīrori i te mataono tau nā te mea he ōrite te tūponotanga puta o ia tau.
Tangohia matapōkerehia tētahi o ngā porotiti i te ipu.
He tīpako matapōkere tēnei hunga tamariki, mai i ngā tamariki katoa o te kura.

Whakamārama atu anō:

Hei tauira o te tīpako matapōkere:
E whakahaerehia ana tētahi tūhuratanga tauanga , kia mōhiotia ai he aha ngā kai e tino manakohia ana i te toa kai o tētahi kura. Mēnā 1500 ngā ākonga o taua kura, he nui rawa tērā taupori kia uiuia te katoa. Nō reira, ka raupapahia ngā ingoa whānau o ngā ākonga (kia rite ki te wakapū), ā, ka tīpakohia ia ākonga tuarima kia uiuia. He tīpako matapōkere tēnei.

Hei tauira o te pāpono matapōkere:
Ka raua atu ētahi porotiti e 5 ki rō ipu. He ōrite te rahi o ia porotiti, he rerekē te tae. Ka tangohia tētahi porotiti i te ipu, kāore he tirotiro a te kaitango. He ōrite te tūponotanga puta o ia tae. He pāpono matapōkere tēnei.

Hei tauira o te putanga matapōkere:
He whero te porotiti ka tangohia i te ipu (i te whakamātau tūponotanga i runga nei). He putanga matapōkere tēnei nā te mea he ōrite te tūponotanga puta o ia porotiti.